ມາຮູ້ຈັກກັບ ASEAN ?

ASEAN (Association of South East Asian Nations) ສະມາຄົມບັນດາປະຊາຊາດອາຊີຕາເວັນອອກສຽງໃຕ້ ຊຶ່ງເປັນອົງການຈັດຕັ້ງພາກພື້ນລະຫວ່າງລັດຖະບານໄດ້ສ້າງຕັ້ງຂຶ້ນໃນວັນທີ 8 ສິງ ຫາ 1976 ທີ່ນະຄອນຫລວງບາງກອກ ປະເທດໄທ ມີ 5 ປະເທດເຂົ້າ ຮ່ວມກໍ່ຕັ້ງຄື: ອິນໂດເນເຊຍ, ມາເລເຊຍ, ຟີລິປິນ, ສິງ ກະໂປ ແລະ ປະເທດໄທ. ຈາກນັ້ນໄດ້ຮັບເອົາປະເທດບຣູໄນ ເຂົ້າເປັນສະມາຊິກໃນປີ 1984, ຫວຽດນາມ ໃນປີ 1995, ສປປ ລາວ ແລະ ມຽນມ້າ ໃນປີ 1997 ແລະ ກຳປູ ເຈຍໃນປີ 1999 ເຮັດໃຫ້ອາຊຽນ ມີສະມາຊິກເພີ່ມຂຶ້ນເປັນ 10 ປະເທດ  ຄື: ກຳປູເຈຍ, ກະໂປ, ໄທ, ບູໄນ, ຟິລິບປິນ, ມາເລເຊຍ, ມຽນມ້າ, ລາວ, ຫວຽດ ນາມ, ອິນໂດເນ ເຊຍ

ASEAN ມີ 10 ປະເທດຄູ່ເຈລະຈາສົມບູນຄື: ສປ ຈີນ (1991), ຍີ່ປຸ່ນ (1973), ສ. ເກົາຫຼີ (1989), ສ. ອິນເດຍ (1992), ອົດສະຕຣາລີ (1974), ນິວຊີແລນ (1975), ສ. ລັດເຊຍ (1991), ສະຫະພາບເອີຣົບ (1977), ການາດາ (1977), ສ. ອາເມຣິກາ (1977).

 

ສັນຍາລັກ ASEAN:

ສັນຍາລັກ ອາຊຽນ ຄື ຕົ້ນເຂົ້າ ສີເຫຼືອງ 10 ຕົ້ນມັດລວມກັນໄວ້ ໝາຍເຖິງປະເທດສະມາຊິກຮ່ວມກັນເພື່ອມິຕະພາບ ແລະ ຄວາມເປັນນ້ຳໜຶ່ງໃຈດຽວກັນ ສີຟ້າ ໝາຍເຖິງ ສັນຕິພາບ ແລະ ຄວາມໝັ້ນຄົງ, ສີແດງ ໝາຍເຖິງ ຄວາມກ້າຫານ ແລະ ຄວາມກ້າວໜ້າ, ສີຂາວ ໝາຍເຖິງ ຄວາມບໍລິສຸດ, ແລະ ສີເຫຼືອງ ໝາຍເຖິງ ຄວາມຈະເລີນຮຸ່ງເຮືອງ.

ເປົ້າໝາຍຫຼັກ ASEAN:

ຈຸດປະສົງຕົ້ນຕໍຂອງອາຊຽນທີ່ໄດ້ກຳນົດໄວ້ໃນກົດບັດເພື່ອ:

(1). ປົກປັກຮັກສາ ແລະ ສົ່ງເສີມສັນຕິພາບ,ສະຖຽນລະພາບ ແລະ ຄວາມໝັ້ນຄົງຂອງພາກພື້ນ, ເຮັດໃຫ້ອາຊີຕາເວັນອອກສຽງໃຕ້ເປັນ ເຂດ ປອດອາວຸດນິວເຄລຍ ແລະ ອາວຸດທຳລາຍລ້າງຜານອື່ນໆ,
(2). ເພີ່ມທະວີຄວາມສາມາດໃນການເພິ່ງຕົນເອງຂອງ ພາກພື້ນ ໂດຍການສົ່ງເສີມການຮ່ວມມືທາງດ້ານການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງ ຄົມໃຫ້ກ້ວາງຂວາງ,
(3). ເຊື່ອມໂຍງດ້ານເສດຖະກິດ, ເຮັດໃຫ້ອາຊຽນກາຍເປັນຕະຫລາດ ແລະ ຖານການຜະລິດ ດຽວພ້ອມທັງຮັບປະກັນຄວາມສາມາດໃນການແຂ່ງຂັນດ້ານເສດຖະກິດ, ອຳນວຍຄວາມສະດວກດ້ານການຄ້າ ແລະ ການລົງທຶນໃຫ້ມີປະສິດທິພາບ, ຮັບປະກັນການໄຫຼວຽນຂອງສິນຄ້າຢ່າງເສລີ, ການບໍລິການ ແລະ ການລົງ ທຶນ,
(4). ສົ່ງເສີມໃຫ້ມີ ຄວາມຢູ່ດີ ກິນດີ ມີການດຳລົງຊີວິດທີ່ດີ, ມີໂອກາດເທົ່າທຽມກັນໃນການເຂົ້າເຖິງ ແລະ ຊົມ ໃຊ້ຜົນປະໂຫຍດຈາກການພັດທະນາ, ສະຫວັດດີການ ແລະ ຄວາມຍຸຕິທຳໃນສັງຄົມ.                                                                                                   (5). ຮັກສາບົດບາດຄວາມ ເປັນແກນກາງຂອງອາຊຽນ, ເປັນເຈົ້າການຂັບເຄື່ອນຕົ້ນຕໍໃນການພົວພັນຮ່ວມືກັບຄູ່ເຈລະຈາ ແລະ ຄູ່ຮ່ວມອື່ນ ນອກພາກພື້ນ.

Share us:

LEAVE A REPLY

Please enter your comment!
Please enter your name here